السلام عليكم ورحمة الله وبركاته انا هبه الممتن بكتب لكم تجربتي في جامعة حائل للسنة التحضيرية مسار صحي ان شاء الله تستفيدون بدايةً مبرووك القبول للجميع أول شي نتكلم عن أسبوع قبل الدراسة بيكون فيه تعريف بالسنة التحضيرية + اختبار تحديد المستوى للانقلش وكل الأسئلة اختيار من متعدد ( الاختبار اختياري اذا ماتبون تختبرونه عادي، ولكن انصح الكل يختبر من رأيي وبوضح ليش لما اتكلم عن مادة الانقلش ) تقريبًا بعدها بيومين بينزل لكم الجدول تلقائي على بنر الجامعة وتقدرون تشوفون اي مستوى حطوكم فيه بعد الاختبار نظام الدراسة : السنة التحضيرية في جامعة حائل عبارة عن سمسترين المواد اغلبها فصلية يعني تدرسونها فقط في الفصل الدراسي الاول او الثاني لابد من النجاح في جميع المواد عشان تقدرون تتخصون في نهاية السنة بعد الانتهاء من السنة التحضيرية سيتم ترتيب الرغبات للتخصصات المتوفرة في الكليات - طب بشري - طب أسنان - صيدلة ـ كلية العلوم الطبية ( مختبرات - تغذية - أشعة - علاج طبيعي ) - تمريض - كلية الصحة العامة ( معلوماتية صحية - إدارة خدمات صحية - صحة عامة ) طبعاً ال...